Björgunarsveit Hafnarfjarðar

Spori.is er loksins komin í lag eftir alvarlega bilun hjá hýsingaraðilanum. Tölvupósturinn var einnig bilaður af þeim sökum og því var ekki hægt að senda póst á @spori.is netföng síðustu daga. Núna ætti allt að virka eðlilega.

Beðist er velvirðingar á þessum truflunum.

Senda á Facebook

Þann 30. apríl fóru hetjurnar Atli, Egill, Telma, Sæmundur og Sigurður í ferð í blóðbankann á Snorrabraut.

Allir gáfu blóð, þótt Sigurður fór í prufu. Við viljum þakka starfsfólki fyrir góða ummönnun og fagmennsku…

Pæja kom einnig með og var hún hinn mesti skemmtikraftur, sérstaklega þegar hún reyndi að keyra bílinn.

Senda á Facebook

Kæru félagar,

Fyrsti fundur „eldri“ félaga var í síðustu viku. Það var fámennt og góðmennt á fundinum en auk þeirra sem mættu létu nokkrir félagar vita af áhuga sínum á að vera með í starfinu.

Við boðum til annars fundar miðvikudaginn 2. maí kl: 20 í húsnæði sveitarinnar við Flatahraun. Fundurinn verður notaður til þess að hittast og ræða hugmyndir um starfið.

Kveðja,

Harpa, Hjálmar og Ingólfur.

Senda á Facebook

Sjóflokkur var kallaður út kl. 21:48 í gærkvöldi vegna neyðarblysa úti fyrir Straumsvík. Fiskaklettur og Valiant voru komnir út 6 mínútum eftir boðun og farnir að leita svæðið að og við Straumsvík. Þegar þriðja neyðarblysinu var skotið upp var ákveðið að fara einnig út á Björgunarskipinu Einari Sigurjónssyni og bað LHG Einar um að sinna aðgerðarstjórn á svæðinu. Góð skilyrði voru til leitar og voru alls 9 bátar og skip frá sjóbjörgnuarsveitunum á höfuðborgarsvæðinu sem að leituðu frá Straumsvík og norður að Gróttu. Svæðinu var skipt upp og leitarlína leituð til suðurs og síðan aftur til norðurs nær landi. Farið var hægt yfir enda háfjara á miðnætti og mikið um grynningar á svæðinu. Engar frekari vísbendinar bárust um bát í neyð og var leit því hætt þegar búið var að fínkemba svæðið. Einar Sigurjónsson kom í höfn í Hafnarfirði kl. 03:25 í nótt.

Senda á Facebook

Björgunarsveit Hafnarfjarðar gekk frá kaupum á nýjum blóðhundi s.l. haust. Eftir stranga leit að rétta hundinum bæði í Evrópu og Bandaríkjunum fannst rétta vinnuhundaefnið fyrir sveitina í Kaliforníu. Um er að blóðhundstík frá ræktanda sem hefur séð okkur fyrir síðustu þremur hundum. Eftir fjölmargar læknisskoðanir og eftirlit, bólusetningar og einangrun er tíkin loks komin heim í Hafnarfjörðinn. Tíkin er 22 mánaða gömul, frekar smágerð og kvik í hreyfingum.

Framundan eru strangar æfingar í umhverfisþjálfun, líkamsuppbyggingu, þolþjálfun og að sjálfsögðu leitarþjálfun. Markmið sveitarinnar er að tíkin standist úttektarreglur Slysavarnafélagsins Landsbjargar fyrir sporhunda innan árs.

Björgunarsveit Hafnarfjarðar hefur þjálfað sporhunda óslitið frá 1960 og hefur því safnast mikil reynsla tengd þjálfun þeirra í sveitinni. Sporhundur er þjálfaður til að leita að og rekja spor eftir einn ákveðinn einstakling og kemst hundurinn á sporið með því að lykta af klæðnaði eða öðrum persónulegum munum þess týnda. Kristín Sigmarsdóttir verður umsjónarmaður og þjálfari hundsins.

Senda á Facebook

Fjórhjól, sexhjól, undanfararar og göngumenn frá Björgunarsveit Hafnarfjarðar eru nú við leit að týndum göngumanni í Esjunni ásamt fjölmennu liði björgunarsveita frá Höfuðborgarsvæðinu. Maðurinn sem er 45 ára Hollendingur er óslasaður og í einhverju símasambandi. Góðar aðstæður eru til leitar á svæðinu.

Senda á Facebook