Archive for the “Landflokkur” Category

FB_IMG_1543608364872Miðvikudaginn 28. nóv síðast liðinn kl.19:30 flutti Bergur Einarsson, undanfari og Jökla-og jarðeðlisfræðingur fyrirlestur um veðurfræði. Fyrirlesturinn var haldinn í húsi okkar Björgunarmiðstöðinni Klett og var skyldunámskeið fyrir nýliða og áhugaverð upprifjun og umhugsunarefni fyrir aðra félaga.

Við þökkum Berg kærlega fyrir góðan og áhugaverðan fyrirlestur.

FB_IMG_1543608358687

Comments Comments Off on Veðurfræði fyrirlestur

logo.gifÚtkall barst í kvöld 30. nóv kl. 18:34 leit að týndum einstakling í höfuðborginni. Afturköllun barst stuttu síðar eða 18:50 áður en fyrstu hópar fóru úr húsi.

Comments Comments Off on Útkall 30. nóv 2018

FB_IMG_1543606373732Það var vel mannaður og góður hópur göngumanna úr sveitinni sem lagði af stað í bítið á laugardag 24. nóvember síðast liðinn til þess að skoða Kattartjarnir (eða Katlatjarnir). Gangan hófst við Ölfusvatn og endaði í sundlauginni í Hveragerði.

“Leiðangursmenn voru að ég held flestir sammála um að gönguleiðin kom á óvart og var gríðarlega fjölbreytt og skemmtileg, og ekki skemmdi veðrið fyrir.” sagði Andri Johnsen leiðsögumaður hópsins að lokinni göngu.

Þá bætti hann við: “Þakka þeim sem mættu fyrir samveruna og frábæran dag á fjöllum (og takk kærlega fyrir skutlið Anna María).”

Þetta var síðasta gangan á þessu ári en hópurinn ætlar aftur af stað að lokinni fjáraflana törn desember mánaðar. 12. janúar 2019 verður farið yfir Gagnheiðarleið og forsvari hópsins er sem áður Andri Johnsen.

Myndir frá félaga okkar Berg Einarssyni hafa verið settar inn á myndasafn sveitarinnar á Facebook.

Comments Comments Off on Gönguferð Kattartjarnaleið

Neyðarkall 2018

Neyðarkall ársins

Nú er Neyðarkallasalan 2018 langt komin. Félagar í Björgunarsveit Hafnarfjarðar stóðu vaktina dagana 1.-3. nóvember síðast liðinn og seldu lyklakippuna Neyðarkall í öllum helstu verslunum í Hafnarfirði, salan gekk afar vel enda er okkur alltaf vel tekið af Hafnfirðingum.

Í tilefni 90 ára afmælis Slysavarnarfélagsins Landsbjargar minnumst við liðinna tíma og er kallinn klæddur í stíl fyrri tíma, gulan stakk og með broddstaf. Allar lyklakippur seldust upp hjá okkur rétt um kl. 15 á laugardeginum en vegna mikillar eftirspurnar höfum við pantað nokkra auka litla kalla og geta áhugasamir nálgast þá með því að hringja í 565-1500 eða senda okkur tölvupóst. Einnig fengum við tvær vinasveitir af landsbyggðinni í heimsókn og stóðu bæði Björgunarfélagið Blanda og Björgunarsveitin Strandasól með okkur á völdum stöðum.

Einng vorum við með stóra neyðarkallinn líkt og fyrri ár, sala á þeim hefur gengið vonum framar enda eigum við marga góða bakhjarla í fyrirtækjum bæði í Hafnarfirði og á höfuðborgarsvæðinu. Í ár sem endranær svöruðu Hafnfirðingar kallinu. Þeir sem vilja nálgast stóran neyðarkall mega hafa samband með tölvupósti á netfangið starfsmadur@spori.is

Fjáröflunin er sveitinni afar mikilvæg og stendur ásamt öðrum fjáröflunum undir árs rekstrarkostnaði einingarinnar. Þökkum kærlega stuðninginn og velviljann um helgina.

Við höfum sett nokkrar myndir í myndasafn inn á opna Facebook síðu sveitarinnar. Myndir eru stöðugt að bætast við safnið enda voru þetta skemmtilegir dagar.

Comments Comments Off on Neyðarkall 2018

44932883_10156982672797160_2468341696698515456_n

Fyrsta hjálp 1 og 2  var kennd um liðna helgi. Björgunarsveitin kom saman á Úlfljótsvatni og fór í gegnum tvö námskeið, Fyrstu hjálp 1 og 2.  Umsjón með helginni hafði Vigdís sem er ein af okkar reyndustu Fyrsta hjálpar manneskjum og leiðbeinandi í fræðunum. Nýir meðlimir fóru í gegnum námskeiðin í fyrsta sinn og góður fjöldi  eldri meðlima kom með og tók endurmenntun, sátu valda fyrirlestra og hjálpuðu til með undirbúning, eldamennsku og verklegar æfingar. Vel var við hæfi vegna tímasetningar að hafa Halloweenþema og skemmtu félagar sér konunglega. Kærar þakkir til allra sem hjálpuðu við undirbúning og við kennslu og umsjón námskeiðsins.

Fleiri myndir má finna á myndasafni sveitarinnar á Facebook.

Comments Comments Off on Fyrsta hjálp um liðna helgi

Björgunarsveit Hafnarfjarðar fékk í dag úthlutaðan veglegan styrk Samfélagssjóði Valitors.

Leitarhópur sveitarinnar sótti um styrkinn fyrir sérhæfðri leitarkistu sem mun gagnast hópnum vel og mikið í bæði útköllum og æfingum. Í leitarkistu sem þessari eru meðal annars leitarljós af ýmsum gerðum, GPS tæki, efni í einn vita, kort, flautur, sporrakningarflögg, áttaviti og neyðarblys svo eitthvað sé nefnt.

Styrkur sem þessi mun koma hópnum og sveitinni allri mjög vel.

Án styrkja gæti sveitin varla starfað líkt og hún gerir í dag

Comments Comments Off on Styrkur úr Samfélagssjóði Valitor