Björgunarsveit Hafnarfjarðar

Sveitarfundur 20. febrúar

harpa — Sun, 19 Feb 2012 17:41:50 +0000

Mánudaginn 20. febrúar kl: 20 er sveitarfundur í bílasalnum á Flatahrauni. Sjáumst hress.

Útkall F2 gulur.

Andri Rafn Helgason — Sun, 19 Feb 2012 17:30:52 +0000

Sjóflokkur sveitarinnar var ræstur út í gærkvöldi (18/2) klukkan 21:30 vegna báts sem hvarf úr tilkynningarskyldunni. Um 15 mínútum síðar fór Einar Sigurjónsson og Fiskaklettur úr höfn í síðasta þekkta punkt bátsins sem var í 20 sjómílna fjarlægð frá Hafnarfirði. Þegar komið var út fyrir gróttu þá tilkynnti báturinn sig inn og lét vita að allt væri í lagi. Héldu Þá Fiskaklettur og Einar í höfn aftur.

Nýliðaferð á Miðfellstind

Sandra Birna — Mon, 13 Feb 2012 00:04:33 +0000

Nú um helgina fóru nýliðar 2 í ferð og var ferðinni heitið upp á Miðfellstind. Lagt var af stað út úr húsi á föstudags eftirmiðdaginn kl17.30 og var ferðinni þaðan heitið í Skaftafell. Frá Skaftafelli var labbað inn í Kjós þar sem upp voru settar tjaldbúðir. Vaknað var á laugadagsmorgni kl08.00 eftir 3tíma svefn og var ferðinni heitið á Miðfellstind. Eftir uppgöngu í þónokkurn tíma var ákveðið að skynsemi væri í því að snúa við sökum snjóflóðahættu. Í staðinn var tekin smá könnunarleiðangur þegar niður var komið í tjaldbúðir að Morsárjökli og þá kom í ljós allur sandurinn sem á honum var. Kominn var síðan svefntími snemma á mannskapinn eftir lítinn svefn kvöldið áður. Á sunnudegi var síðan ræs kl07.00 í rigningu, svo planið var að ganga frá öllu og labba til baka eftir Morsárdalnum inn í Skaftafell þar sem bílarnir biðu misþreyttra ferðalangana.

Björgúlfur 30 ára

Smári Guðnason — Wed, 08 Feb 2012 17:12:34 +0000

Unglingadeildin Björgúlfur verður 30 ára laguardaginn 11. febrúar. Haldið verður uppá afmælið í húsnæði Björgunarsveitar Hafnarfjarðar, Flatahrauni 14, fimmtudaginn 9. febrúar kl 20. Sýndar verða myndir úr starfi deildarinnar undanfarin ár. Léttar veitingar í boði. Fyrrum félagar Björgúlfs og velunnarar deildarinnar eru hjartanlega velkomnir.

Vel heppnuð skíðaferð

Smári Guðnason — Tue, 07 Feb 2012 17:22:14 +0000

Nú um síðastliðna helgi fór 11 manna hópur frá sveitinni norður á Akureyri í skíðaferð. Ferðin heppnaðist mjög vel og allir komu sáttir heim. Gist var í húsnæði Súlna og þökkum við þeim kærlega fyrir gestrisnina.

Sveitarfundur 20.feb. og aðalfundur 15. mars

harpa — Mon, 06 Feb 2012 21:15:16 +0000

Sveitarfundur verður 20. febrúar í húsnæði sveitarinnar og hefst klukkan átta. Fundurinn er framhald af sveitarfundi í nóvember. Fundinum stýrir fundarstjóri og hann verður ritaður. Við hvetjum félaga til að mæta. Heitt á könnunni.

Takk fyrir stuðninginn

harpa — Sat, 31 Dec 2011 15:06:04 +0000

Kæru bæjarbúar og aðrir viðskiptavinir. Félagar í Björgunarsveit Hafnarfjarðar þakka stuðninginn og óska ykkur gleðilegrar hátíðar. Farið varlega í kringum flugeldana og munið eftir öryggisgleraugunum.

Flugeldasalan verður opin í kringum þrettándann eins og hér segir:

fimmtudagur 5. jan. opið: 16 - 22

föstudagur 6. jan. opið: 12 - 21

Flugeldasýning kl: 20:30 við höfnina

harpa — Thu, 29 Dec 2011 17:31:56 +0000

Við minnum á flugeldasýninguna okkar í kvöld kl: 20:30 við höfnina. Endilega komið gangandi ef þið hafið tök á til þess að létta á umferðinni í þessari þungu færð.

þungfært í bænum

harpa — Thu, 29 Dec 2011 17:25:53 +0000

Nóg er að gera hjá okkar fólki þessa dagana. Rétt eftir miðnætti var sveitin kölluð til leitar að manni innanbæjar. Maðurinn fannst fljótlega en þá tóku við önnur verkefni. Sveitin var með þrjá bíla á flakki um bæinn í alla nótt og fram undir morgun. Björgunarfólk aðstoðaði tugi hafnfirðinga sem áttu í vandræðum í snjónum.

Við minnum á flugeldasöluna okkar en það er opið til kl: 22 í kvöld. Á morgun er opið frá kl: 10 - 22 og á Gamlársdag er opið frá 10 - 16.

Í kvöld er svo árleg flugeldasýning sveitarinnar í samstarfi við bæinn og hefst hún kl: 20:30 við höfnina. Við hvetjum bæjarbúa til þess að koma gangandi til þess að létta á bílaumferðinni sem oft er mikil í miðbænum á þessum tíma.

Undirbúningur flugeldasölu sveitarinar

Dagbjartur Kr. Brynjarsson — Tue, 27 Dec 2011 14:30:14 +0000

Félagar sveitarinnar standa nú í ströngu við að undirbúa flugeldasölustaði sveitarinnar. Sveitin verður með flugeldasölu á fjörum stöðum í Hafnarfirði eins og undanfarin ár. Staðirnir sem sveitin verður með flugeldasölu á eru á Flatahrauni 14 (gamla slökkvistöðin), við verslunarmiðstöðina Fjörð, Fornubúðir 8 við smábátahöfnina, og við Tjarnarvelli.

Afgreiðslutímar eru eftirfarandi:

miðvikudagur
28 des. 12:00 - 22:00

fimmtudagur
29 des. 10:00 - 22:00

föstudagur
30 des. 10:00 - 22:00

laugardagur
31 des. 09:00 - 16:00

Þá minnum við á flugeldasýningu sveitarinnar sem verður haldin við höfnina í Hafnarfirði á fimmtudaginn 29 desember kl 20:30.

Styttist í opnun jólatrjáasölu

harpa — Mon, 05 Dec 2011 09:37:25 +0000

Nú fer að styttast í að við opnum okkar árlegu jólatrjáasölu í Hvalshúsinu. Salan opnar miðvikudaginn 14. desember. Það má segja að öll kvöld fram að jólum séu undirlögð í undirbúningsvinnu fyrir fjáraflanir. Við erum í óðaönn að koma útkallsbúnaði fyrir þannig að hann taki sem minnst pláss en sé jafnframt aðgengilegur ef á þarf, ná í hillur og annan búnað úr geymslu þannig að hægt sé að setja upp flugeldabúðir og telja jólatré og undirbúa jólatrjáasölustaðinn. Margar hendur vinna létt verk og við hvetjum alla félaga til að koma við og aðstoða okkur í undirbúningnum.

Sveitarfundur 21. nóvember

harpa — Sun, 13 Nov 2011 17:47:21 +0000

Félagar í Björgunarsveit Hafnarfjarðar eru hvattir til að mæta til sveitarfundar mánudaginn 21. nóvember kl: 20. Aðalefni fundarins verður húsbyggingarmál. Byggingarnefnd fer yfir stöðu mála og nefndin og stjórn svara fyrirspurnum um húsbygginguna. Stefnt er að því að halda fundinn í bílasalnum því von er á fjölmörgum félögum á fundinn. Fundinum verður stýrt af fundarstjóra og það verður heitt kaffi á könnunni og með því. Hægt er að koma spurningum til byggingarnefndar fyrir fundinn á innri vefnum eða með því að senda tölvupóst á byggingarnefnd(hjá)spori.is.

Hlökkum til að sjá sem flesta.

Týndur ferðamaður á Fimmvörðuhálsi

Þórólfur Kristjánsson — Thu, 10 Nov 2011 05:27:29 +0000

Þessa stundina stendur yfir leit að týndum ferðamanni á Fimmvörðuhálsi. Björgunarsveitarmenn af suðurlandi auk liðsauka frá höfuðborgarsvæðinu og suðurnesjum taka þátt í leitinni.

Fjarskiptahópur BJSH er uppi í Baldvinsskála þar sem sett hefur verið upp stjórnstöð þaðan sem leitinni er stjórnað. Hópurinn er stjórnendum leitarinnar innan handar með tækjabúnað og tengingu við umheiminn.

Þoka er á leitarsvæðinu, rigning og töluverður vindur.

Þessi mynd er tekin í Baldvinsskála rétt í þessu.

Neyðarkall !!!

harpa — Sun, 30 Oct 2011 11:06:03 +0000

Dagana 3. - 6. nóvember mun Björgunarsveit Hafnarfjarðar selja neyðarkalla eins og aðrar björgunarsveitir landsins. Við ætlum að selja kalla við helstu verslanir bæjarins sem og að ganga í hús á fimmtudagskvöld. Við vonum að bæjarbúar taki vel á móti okkur. Neyðarkallinn í ár er í líki björgunarkonu á fjallaskíðum.

Vélarvana bátur, 17,2 sml. NV af Garðskaga

Sigurður Ingi — Tue, 09 Aug 2011 23:11:29 +0000

Mynd : Ófeigur Lýðsson

Landhelgisgæslan kallaði út Björgunarskipið Einar Sigurjónsson rétt fyrir hádegi í dag, eftir að Teistan RE-33 óskaði eftir aðstoð. Teistan er tæpleaga 5 tonna plastbátur og er gerð út frá Reykjavík. Einn maður var um borð og ekkert amaði að honum. Hafði báturinn misst skrúfuna og var því vélarvana, en hann var 17,2 sjómílur NV af Garðskaga. Hélt ES þegar af stað, en löng sigling var framundan, þar sem það voru 36 sjómílur í bátinn úr Hafnarfirði. Þremur tímum eftir útkallið, kom ES að Teistunni og tók hana í tog. Ákveðið var að sigla með bátinn til hafnar í Reykjavík, en þangað var komið rétt fyrir kl. 19:00. Þaðan hélt ES til hafnar í Hafnarfirði og var þangað kominn rétt um kl.21:00, eftir að hafa hitt björgunarbátinn Stefni úr Kópavoginum og gert þar stutt stopp.