Beðist er velvirðingar á þessum truflunum.

Þann 30. apríl fóru hetjurnar Atli, Egill, Telma, Sæmundur og Sigurður í ferð í blóðbankann á Snorrabraut.

Allir gáfu blóð, þótt Sigurður fór í prufu. Við viljum þakka starfsfólki fyrir góða ummönnun og fagmennsku…

Pæja kom einnig með og var hún hinn mesti skemmtikraftur, sérstaklega þegar hún reyndi að keyra bílinn.

Fyrsti fundur „eldri“ félaga var í síðustu viku. Það var fámennt og góðmennt á fundinum en auk þeirra sem mættu létu nokkrir félagar vita af áhuga sínum á að vera með í starfinu.

Við boðum til annars fundar miðvikudaginn 2. maí kl: 20 í húsnæði sveitarinnar við Flatahraun. Fundurinn verður notaður til þess að hittast og ræða hugmyndir um starfið.

Kveðja,

Harpa, Hjálmar og Ingólfur.

Framundan eru strangar æfingar í umhverfisþjálfun, líkamsuppbyggingu, þolþjálfun og að sjálfsögðu leitarþjálfun. Markmið sveitarinnar er að tíkin standist úttektarreglur Slysavarnafélagsins Landsbjargar fyrir sporhunda innan árs.

Björgunarsveit Hafnarfjarðar hefur þjálfað sporhunda óslitið frá 1960 og hefur því safnast mikil reynsla tengd þjálfun þeirra í sveitinni. Sporhundur er þjálfaður til að leita að og rekja spor eftir einn ákveðinn einstakling og kemst hundurinn á sporið með því að lykta af klæðnaði eða öðrum persónulegum munum þess týnda. Kristín Sigmarsdóttir verður umsjónarmaður og þjálfari hundsins.

Á miðvikudaginn 18. apríl ætla eldri félagar Björgunarsveitar Hafnarfjarðar að koma saman upp í húsi sveitarinnar að Flatahrauni 14 kl 20:00. Allir þeir félagar sem áður störfuðu innan Hjáparsveitarinnar og Fiskakletts eru sérstaklega boðnir velkomnir.

Ætlum við að reyna að skapa vettvang fyrir þá sem ekki hafa verið í starfi sveitarinnar í styttri eða lengri tíma. Allir ættu að finna eitthvað við sitt hæfi hvort sem það er að koma inn í sveitarstarfið að nýju, starfa í hússtjórn, sinna fjáröflunum, sinna útisvist í góðum félagskap nú eða bara til að hitta gamla félaga úr starfinu.

Á miðvikudaginn verður þetta með léttu sniði til að byrja með. Örvar Atli Þorgeirsson ætlar að sýna okkur nokkrar ljósmyndir úr safni sínu. Þess má geta að Örvar hefur hlotið fjöl mörg verðlaun fyrir myndir sínar. Jafnframt starfaði Örvar sem undanfari á gullskeiði sínu í sveitinni.

Í framhaldinu höfum við sett saman létta dagskrá til aða stefna að á komandi misserum.
18. apríl - Kynningarfundur í húsi sveitarinnar.
17. maí uppstigningardag - Gönguferð um Selvogsgötuna frá Bláfjallavegi.
29. júní til 6. júlí - Hálendisvakt, Landmannalaugar.
17.-19. ágúst - Gönguferð á hálendinu og gist í skála eina til tvær nætur.

Vonumst við til þess að þetta verði til þess að við hittumst meira í góðum félagsskap. Vonumst til þess að sjá sem flesta á miðvikudaginn!

Ef einhverjar spurningar vakna þá endilega hafið samband.
Harpa Kolbeinsdóttir - harpako@gmail.com
Ingólfur Haraldsson - ingo@spori.is
Hjálmar Örn Guðmarsson - hjalmar@iav.is

Spori 1 og Spori 2 uppá Mýrdalsjökli

Síðastliðna helgi fóru fjórir meðlimir bílaflokks í æfingaferð ásamt bílaflokkum HSG, HSSR og HSSK. Mæting var við Olís í Norðlingaholti kl 9 á laugardagsmorgun og voru þá saman komnir 21 manns á 8 jeppum. Loks var farið af stað og stefnan tekin á Mýrdalsjökul. Farið var uppá jökulinn hjá Sólheimahjáleigu og var förinni heitið í átt að Fimmvörðuhálsi. Þegar ferðalangar höfðu fengið nóg af Fimmvörðuhálsi var farið aftur uppá jökul og stefnan tekin í átt að skálanum Strút. Ferðin yfir jökulinn gekk mjög vel og færið mjög gott. Þegar komið var niður af jöklinum byrjaði snjórinn að mýkjast en allt gekk eins og í sögu og komust allir bílar í skálann.

Á sunnudeginum var svo ákveðið að keyra yfir í Hvanngil og stefnan tekin þaðan yfir í Emstrur og niður í Fljótshlíðina. Ekki vildu ferðalangar láta staðar numið þar og því var farið yfir Markarfljótið og keyrt inní Þórsmörk og kíkt í Húsadal og Bása. Að því loknu var haldið heim á leið með stoppi á Gallery Pizzu á Hvolsvelli þar sem hópurinn gæddi sér á dýrindis pítsum.

Thelma Ýr hress á Dalvík.

Ungingadeildin skellti sér á Dalvík um nýliðna helgi til þess að fara á skíði. Lagt var af stað á föstudegi klukkan 18.00 og var hópurinn kominn á Dalvík rétt um miðnætti. Á laugardeginum mætti sólin á svæðið ásamt því að heitt var í veðri. Þá var ekkert annað í stöðunni en að sleppa hlýju fötunum og hægt var að renna sér í brekkunni á stuttermabol og léttum buxum. Eftir að skíða í þessari rjómablíðu þá var skellt sér í sund í flottu íþróttamiðstöðinni og slappað af. Um kvöldið var síðan sameiginleg pulsuveisla og síðan fóru margir út að renna á rassaþotum, kútum og ruslapokum. Á sunnudeginum var síðan skíðað frá kl 10.00 - 14.00 og síðan gengið frá og keyrt í bæinn. Í rútunni á leiðinni heim var mun minna um tal því allir voru þreyttir og sáttir eftir góða helgi á skíðum. Gaman er líka að segja frá því að innan hópsins fór fram óformleg skíðakennsla, þar sem þeir sem meira kunnu kenndu þeim sem minni reynslu höfðu af því að skíða.

Ferðin heppnaðist vel í alla staði og erum við umsjónarmennirnir og aðrir sem voru með í för stollt af hópnum sem var til fyrirmyndar og mætti segja að unglingarnir hafi haft náungakærleikan að leiðarljósi. Þetta er góður hópur af krökkum sem á eftir að rætast vonandi enn meira úr innan BSH í komandi framtíð.

Hópmynd af öllum sem voru í ferðinni á Dalvík.

Milli 20 og 25 félagar tóku þátt í námskeiðinu en Einar Örn var fenginn til að kenna námskeið fyrir sveitina.

Ingólfur og tíkin sem hefur ekki fengið nafn.

Nýr sporhundur Björgunarsveitar Hafnarfjarðar er á leið til landsins.  Tíkin er af tegundinn blóðhundur og kemur frá ræktanda í Bandaríkjunum.  Ingólfur Haraldsson fór á dögunum út til þess að taka við hundinum og koma honum í flug til Íslands.

Tíkin kemur til landsins með flugi í dag og fer beint í sótthví þar sem hún verður í einn mánuð.  Æfingar hefjast svo strax að sótthví lokinni.  Kristín Sigmarsdóttir mun sjá um þjálfun hundsins auk eldri þjálfara sveitarinnar.

Þeir sem vilja kynna sér ferðina frekar eða fylgjast með framvindunni er bent á heimasíðu Símons www.fjallakall.wordpress.com

Ragnar var kjörinn nýr formaður sveitarinnar.

Aðalfundur sveitarinnar var haldinn sl. fimmtudag. Breytingar urðu á stjórn sveitarinnar. Stjórnina skipa eftirtalin:

Stjórn:
Formaður:                 Ragnar Haraldsson
Varaformaður:           Dagbjartur Brynjarsson
Ritari:                        Elíza Lífdís Óskarsdóttir
Gjaldkeri:                   Sigrún Sverrisdóttir
Aðstoðargjaldkeri:     Róbert Óskar Cabrera
Meðstjórnendur:        Kolbeinn Guðmundsson
Þór Magnússon
Varamenn:                Sigurjón M. Ólafsson
Þórólfur Kristjánsson

Frá vinstri: Sandra Birna, Egill Örn, Aðalsteinn, Andri Rafn, Atli og Daníel

Við þökkum fráfarandi formanni, Júlíusi Þór Gunnarssyni kærlega fyrir vel unnin störf síðastliðin 10 ár. Einnig þökkum við Hörpu Kolbeinsdóttir, fráfarandi varaformanni og Ragnari Heiðari Þrastarsyni fyrir vel unnin störf.

Sex nýjir félagar skrifuðu undir eiðstaf sveitarinnar á fundinum en það eru: Sandra Birna, Egill Örn, Aðalsteinn, Andri Rafn, Atli og Daníel. Þau luku fyrir stuttu nýliðaþjálfun sveitarinnar. Við óskum þeim til hamingju með að vera komin í sveitina.

Einnig var tillaga uppstillinganefndar um eftirtaldar stöður samþykkt án mótframboða. Smellt á meira fyrir niðurstöður fundarins.

Uppstillinganefnd:      Ásgeir R. Guðjónsson
Grettir Yngvason
Jökull Guðmundsson
Varamaður:               Dagur Jónsson

Laganefnd:                Arnar Ásgrímsson
Árni Hermansson
Hjálmar Guðmarsson
Varamaður:               Árni Pálsson

Skoðunarmenn reikninga:  Jósef Sigurðsson
Lárus Steindór Björnsson
Varamenn:                          Bergur Einarsson
Smári Guðnason

Sjáumst hress.