Fjáraflanir

Björgunarsveit Hafnarfjarðar er sveit sjálboðaliða með það að markmiði að hjálpa og aðstoða samborgara sína. Til þess að geta sinnt þeim skyldum sem lagðar eru á sveitina og þeim verkefnum sem sveitin er beðin að sinna. Þarf talsverða fjármuni til reksturs sveitarinnar og er þeirra aflað af sjálboðaliðum sveitarinnar og fer talsverður tími í fjáraflanir. Sveitin býr þó vel og getur einnig kallað til gamla félaga sem hættir eru að sinna útköllum en mæta í fjáraflanir.

Helstu fjáraflanir sveitarinnar eru flugeldasala og sala jólatrjáa. Segja má að 2 mánuðir séu undirlagðir undir þessar tvær aðal fjáraflanir sveitarinnar. Sala Neyðarkalls björgunarsveitanna er ný fjáröflun og hefur hún verið að skila sveitinni góðri afkomu. Styrkir þessi nýja fjáröflun stoðir sveitarinnar og eykur rekstraröryggi. Það að innkoma sé að koma inn frá fleiri stöðum eykur rekstaröryggi sveitarinnar. Því ekki er hægt að segja að fjáraflanir hingað til hafi verið öruggar. Þar sem sveitin hefur þurft að reiða sig á veðurspá fyrir gamlárskvöld og samkeppni við lágvöruverslanir í sölu jólatrjáa.

Sveitin sinnir einnig sérhæfðum gæsluverkefnum. Þar sem tæki, búnaður og sérhæfð þjálfun sveitarinnar nýtist. Sveitin sinnir ekki gæslu á böllum eða þess háttar samkomum.